銀行車貸利率比較

• 簡約日系設計，居家必備單品
• 原木系，絕佳的生活質感
• 朋友來訪下午茶的好伙伴
• 適用於玄關、客廳、房間等

【東方日報專訊】前亞姐吳綺莉的17歲女兒吳卓林前日突然入院，更驚傳她自殺，吳綺莉昨日再撲往醫院探女，澄清卓林沒有自殺：「睇我個樣似（自殺）多過佢啦！」離開醫院後，吳綺莉又到中環睇醫生，未知是否因最近為女兒勞碌奔波而累壞身體。

吳綺莉與卓林的母女問題，自上月23日卓林報警聲稱被人恐嚇而令事件曝光，之後卓林在社交網透露壓力爆煲，上周五凌晨秘密往泰國清邁散心，同時吳綺莉開記者會澄清買樓的錢來自亡母的遺產，至於卓林在泰國逗留了兩天，前日突然返港入院，又突然傳出她自殘身體，多個「突然」令事件存在很多問號。

疑心急車泊醫院正門

吳綺莉連續兩天均到醫院探女，昨早大批傳媒在吳綺莉大坑寓所樓下等候，中午12時許，她戴着口罩駕車離家，雙手合十說：「你哋唔好再跟啦！（囡囡情況點？）情況咪好似一般17、18歲咁。（病情點？）應該…嗯…真係唔知。（幾時返屋企？）…真係唔知。」她當時表示要去買東西，途經大坑卻將車停在路邊講電話，之後開車直駛醫院，沿途亦繼續講電話，抵達醫院後，疑心急探女，將車泊在醫院正門，一度阻塞「非緊急」救護運送專車埋站。

吳綺莉在醫院面對記者不時鞠躬，又揮手示意讓路，她說：「你哋唔好搞間醫院！（卓林情況點？）我冇嘢講。（佢好啲未？）唔好搞到醫院咁。（唔擔心卓林？）係，你哋唔好跟我啦，畀我處理吓屋企事先。（會唔會澄清卓林唔係自殺？）睇我個樣似（自殺）多過佢啦，屋企有事，小朋友有啲事，嗰日講得好清楚，唔講喇。（佢去完泰國腸胃不適？）睇緊醫生。（幾時出院？）未知，畀時間我處理。（同卓林溝通過感情好番？）唔知，畀我搞掂咗先。（卓林依家呢個情況會唔會好想佢Daddy嚟探佢？）依家好想我可以快啲處理我問題。唔該，唔好意思，搞到全世界。（接佢返屋企？）唔係我決定，所以大家體諒，好多人喇，唔該晒。」

深呼吸情緒略顯波動

吳綺莉進入醫院探女個半小時，離開時不發一言，直衝上座駕，見她情緒有點波動，並深呼吸幾下，離開醫院後她先到附近士多買飲品和香煙便直駛回家。返家時再問到卓林究竟所患何病？吳綺莉只表示身體出了毛病，未有透露與女兒談話內容。約4時半，突然有警察到場趕車，記者其後折返已不見吳綺莉座駕。她成功避過記者耳目，原來相約友人到中環睇醫生，於4時50分左右，吳綺莉到中環興瑋大廈，並登上12樓，該樓層醫務診所林立，包括有精神科和骨科醫生，至5時許她步出並駕車離開。

文：名人組

攝：追蹤組